上星期喺阿卡西同學聚會入面，同學A問到同爸爸嘅關係，我同其他同學都不約而同睇到A同爸爸無好密切嘅接觸或太多對話，但能量一直相連住，好親近，亦講出爸爸內心嘅感覺。同學A回應爸爸已經過左身，但見到佢眼眨淚光，相信已被大家嘅解讀觸動到。

阿卡西紀錄不同「問米」、不同「算命」，解讀師一般唔會「未卜先知」，喺你一提出問題嘅時候就向你確定：「佢過左身喇喎」，因為對比起令你覺得「好準」、「好勁」，我地更追求嘅係將阿卡西紀錄守護者(Akashic Record Keeper) 嘅訊息清楚傳達，而Keeper 所追求嘅亦係訊息對你黎講有無用，能唔能夠幫助你成長。

以同學A嘅例子為例，佢早已知道爸爸身體上嘅現況，重要嘅反而係讓佢知道，即使肉體已離開，但能量一直連結住，爸爸不曾離開自己，只係以另一種形式守護住佢。 而爸爸內心嘅感覺，雖然我地都唔能夠得到爸爸親口確認，但觀乎同學被觸動到嘅反應，我地都相信解讀係正確的。（如果大家有試過好多不同嘅占卜師/ 冶療師，會知道即使係面對「不能確認之真相」，你都會識別到準同唔準的。）

另外想講嘅係，對比外在嘅實相，有時我地更應該注重嘅係能量層面上嘅事。從靈魂層面上睇，人與人之間無真正嘅分離，只有能量上嘅契合度。有啲人你即使身體上同對方一齊，都會清楚感受到「貌合神離」，但有啲人你即使同佢分開好耐，都會好強烈地感受到對方。無論係親人、情人或朋友關係亦然，要相信只要能量層面契合，你地就會同對方連結住，最終再次相遇。我地要做嘅，只係不斷裝備好自己，然後安心靜落黎，trust in the divine timing.

(如果您有關係上或其他生命層面嘅疑惑，並已作好要成長嘅準備、願意為自己嘅生命負責，歡迎您同我預約咨詢，聽取來自您嘅阿卡西紀錄守護者嘅訊息)