阿卡西記錄個案：別做太多療癒了！
阿卡西記錄個案：別做太多療癒了！
·
上星期收到一個訊息，係有一個女仔話，佢用過好多身心靈嘅工具，但到頭來都仲未解決到自己嘅問題，事業嘅方向又唔知點，感覺好迷惘。因為見到我嘅IG page叫”The Answer”，又見到我同佢一樣，試過好多療癒嘅方法，所以特地黎問我「拎答案」😆
連結後，對方嘅keeper同我講，話佢做過太多療癒，聽過太多人嘅意見，個心覺得好”click”，叫佢唔好再聽人講嘢😅（我講完出嚟都好有倒自己米嘅感覺) 然後叫佢去做一啲「唔洗聽人講嘢」嘅療癒，例如禪繞之類，喺畫畫嘅過程中會令佢諗到一啲新嘅嘢，佢嘅內在智慧會俾到答案佢。
同Keeper合作最「刺激」嘅地方係，佢俾我嘅訊息往往都係令我意想不到，例如療癒師叫人唔洗做療癒、從來無畫過禪繞嘅我叫人畫禪繞（講左出嚟都覺得無說服力，心諗千祈唔好問我點畫🤪）
但講完後，收到嘅回應係，對方亦曾聽過其他療癒師叫佢畫畫，但當時佢唔信，因為覺得自己無畫畫天份，於是不斷去搵其他方法，但愈搵就愈”click”，最後過到黎我度，我又係叫返佢畫畫。😂 今次佢終於聽話，話會嘗試去畫，而我亦明白點解keeper會叫佢畫禪繞，因為禪繞係唔需要有畫畫天份都可以畫到，目的係要你專注返自己，回歸內在，搵返屬於自己嘅智慧。
靈性工具五花百門，我亦曾經「靈性上癮」，不斷搵新工具試，玩左好多年後先開始信任自己嘅內在智慧。個人認為唔同嘅靈性工具都有佢嘅存在價值，唔同嘅成長階段有唔同嘅需要，但療癒師最終嘅責任係要幫你搵返你自己，搵返屬於你自己嘅內在智慧，而非令你不斷做療癒、依賴療癒。
如果你有興趣成為助人解困的療癒師，歡迎點擊【阿卡西紀錄解讀】連結看看！